Ish-këshilltarja e kandidatit për kryeministër nga Lëvizja Vetëvendosje, Fëllanza Podrimja, i ka reaguar ish-emisarit të ShBA-së për dialogun Kosovë-Serbi, Richard Grenell, pasi ai tha se Kurti është anti-amerikan.
Podrimja përmes një postimi në ‘Twitter’ tha se kur Grenell flet për ju, jeni në rrugën e duhur.
“Rregulla numër 2: kur Richard Grenell flet keq për ju, ju jeni në rrugën e duhur”, ka shkruar ajo, duke iu kundërpërgjigur Grenellit.
Sot, Grenell, përmës një postimi në ‘Twitter’ e ka akuzuar Kurtin se ka qenë gjithmonë anti-amerikan si dhe sipas tij, Kurti ka qenë kundër politikave të ShBA-së të disa prej ish-presidentëve.
Këtë deklaratë ai e ka publikuar shoqëruar nga një artikull ku interpretohet deklarata e Kurtit për shqyrtimin e mundësisë për hapjen e ambasadës së Kosovës në Jerusalem, pas vendosjes së marrëdhënieve diplomatike mes të dyja vendeve.
