Kryetari i Partisë Liberal Demokratike të Serbisë, Çedomir Jovanoviq ka thënë se Qeveria e re në Kosovë është shprehje e nevojës për të rifreskuar skenën e brendshme politike në Kosovë, por edhe në marrëdhëniet me Serbinë.
Sipas tij, Kosova ka treguar një shkallë të lartë të kulturës demokratike në procesin e formimit të institucioneve të reja, dhe se tani është koha që kjo energji të sjellë bashkëpunimin rajonal.
“Shpresoj që një qeveri e re e qëndrueshme me shumicë të qëndrueshme në parlament e ka forcën për të arritur një marrëveshje me Beogradin që do të kuptohet dhe pranohet nga shoqëria në Kosovë”, tha ai.
Jovanoviq theksoi se sot, Albin Kurti, pa të drejtë akuzohet nga Beogradi në një gjuhë të folur para çdo katastrofe në këtë rajon dhe se deklarata të tilla nuk duhet të kenë vend në politikë në Serbi, dhe se sipas tij, “Kurti nuk është një rrezik për Serbinë, por një shans “për shkak të shpresës që shoqëria kosovare ka për të dhe mbështetja që gëzon ai“, tha ai.
