Kim nuk është shfaqur në publik që nga 11 prilli dhe që atëherë është thënë se ai do kryente një operacion. Madje, nuk ka ende një përfundim final, ndonëse në disa media thuajse është bërë “fakt i kryer” se ai ka vdekur, pas një operacioni në zemër, që u shoqërua me komplikacione të tjera.
Siguria dhe pyetja se çfarë ndodh me armët bërthamore të Koresë së Veriut në rast të një lloj tranzicioni lidershipi, ka të ngjarë që është një temë që shqetëson zyrtarët në Uashington, Seul dhe Pekin.
Shumica e vendeve synojnë të ndajnë atë që Vipin Narang, një profesor i shkencës politike në MIT dhe ekspert në çështjet dhe strategjinë e armëve bërthamore, e quajnë një “pozicion Goldilocks në armët e tyre bërthamore”.
Armët bërthamore të Koresë së Veriut janë një tjetër sekret i mbrojtur mirë brenda vendit. Dihet pak për sa Pyongyang ka, sa të besueshëm janë, nëse raketat dhe nëndetëset e tij mund t’i qëllonin me sukses, ose edhe sesi Kim mbikëqyr aparatet e tyre të kontrollit.
Ekspertët e inteligjencës vlerësojnë se në Pyongyang ka dhjetëra armë lufte në sasinë e materialit radioaktiv të prodhuar në pajisjet e armëve bërthamore, por numri i saktë nuk është zbuluar kurrë.
“Ne nuk dimë shumë rreth situatës se si ata menaxhojnë armët e tyre bërthamore gjatë kësaj kohe”- tha Narang. Megjithëse Koreja e Veriut është ende teknikisht në luftë me Jugun dhe Shtetet e Bashkuara, shumë prej armëve bërthamore të Pyongyang mund të jenë çmontuar dhe “ka ndoshta shumë pak sisteme të gatshme”, tregoi Narang.
Por Narang tha se ai nuk do të shqetësohej shumë për sigurinë e armëve bërthamore të Koresë së Veriut në rast se Kim vdes për shkaqe natyrale. Nga llogaritë e bëra deri më tani Kim nuk është një njeri me shëndet të plotë. Ai është një njeri mbipeshë, me nivel të lartë stresi dhe raportohet se ishte një pijanec i rëndë në takimet me Presidentin e Koresë së Jugut, Moon Jae-in.
Pavarësisht faktit që ka disa probleme me shëndetin si shkak i mënyrës së jetesës nuk do të thotë që Kim është në prag të vdekjes. Por bëhet e dyshimtë kur problemet e shëndetit kombinohen me mungesën e tij.
