Presidenti Thaçi dha garanci se vendosja e një ambasade të Kosovës në Jeruzalem, kjo kur Izraeli të njoh Kosovën, siç është paraparë në marrëveshjen e Uashingtonit, nuk do t’i cenojë raportet me Turqinë.
“Lobi hebre ka qenë mbështetës i lirisë së Kosovës. Na kanë mbështetur jam dëshmitar i gjallë. Njohja me Izraelin nuk do ta zbeh marrëdhënien me Turqinë. Para dy ditësh kam biseduar me Erdogan.
Kosova do të jetë e fokusuar në partneritetin me Turqinë. Njohja nga Izraeli është proces i pakthyeshëm. Turqia ka qenë e para për ta njohur dhe ka bërë lobim të fuqishëm për ne. Vlerësim të lartë për Erdogan dhe për Turqinë.” tha Thaçi në Open, raporton TCH.
