Pasi Gjykata Kushtetuese ka marrë vendim që Kosova të shkojë në zgjedhje, analisti Baton Haxhiu, shprehet se kjo do ta fusë vendin në krizën më të madhe që nga përfundimi i luftës.
Sipas Haxhiut zgjedhjet janë lajmi më i mirë për Kosovën, por problemi vjen pas zgjedhjeve, ku do ketë pazare politike. Analisti pranoi se Vetëvendosje mund të dalë e parë në zgjedhje, por shtoi se do e ketë të vështirë formimin e qeverisë. Aleati i vetëm i Vetëvendosjes, sipas Haxhiut, është Ramush Haradinaj.
“Nuk do ketë fitues të qartë në Kosovë. Nuk e lejon sistemi zgjedhor. E kemi detyrim përfshirjen e minoriteteve në qeveri. E supozojmë se Vetëvendosje është fituese, a do shkojë LDK dhe PDK në koalicion? Vetëvendosje udhëheq sondazhet me 6% më shumë se e dyta, por nuk fiton e vetme. Vetëvendosje ka vetëm një partner, por që është thyer me të. I vetmi partner mund të jetë Ramush Haradinaj. Haradinaj ka një parti të vogël dhe që shkon kudo për interesa të veta”, deklaroi Baton Haxhiu në Open.
