Dy ditë më parë një gjykatë britanike dënoi me 44 vite burg katër shqiptar për trafik dhe shpërndarje kokaine. Albeu.com zbuloi dje se një ndër ta ishte djali i deputetit, Mhill Fufi.
Amarildo Fufi është 25-vjeç. Ai u kap me kokainë me vlerë 2 milionë euro në Britaninë e Madhe.
Amarildo dhe grupi i trafikantëve të drogës ku bënte pjesë u dënuan me 44 vite burg disa ditë më parë, ndërsa janë arrestuar në shtator të vitit 2016.
Ndërkohë gjatë ditës së sotme në rrjetet sociale kanë qarkulluar fotot e djalit të Fufit, i cili shfaqet duke bërë një jetë luksoze, mes makinave të shtrenjta, parave të pafundme e luksit të shfrenuar.
