Lëvizja BESA në Tearcë reagoi kundër kryetarit të komunës së Tearcës, Isen Asani.
“Në mënyrë të shpejt dhe mjaftë të çuditshme, kryetari i komunës së Tearcës brenda dy vitëve qenka pasuruar më shumë se çdo kryetar komune tjetër, duke shumëfishuar pasurinë e tij me 60.000 euro dhe duke vazhduar “avazin” e vjetër e kuadrove të BDI-së që po pasurohen në kurriz të qytetarëve. Edhe pse komuna e Tearcës përballet me shumë probleme elementare për jetë, brenga kryesore e kryetarit aktual paska qenë pasurimi i tij e jo zgjidhja e hallëve të qytetarëve”, thekson kjo parti.
Lëvizja BESA – Tearcë pyet publikisht kryetarin e komunës se si është e mundur të pasurohet aq shpejt, sikur të ketë bërë ndonjë inovacion në fushën e teknologjisë informative?
Gjithashtu, Lëvizja BESA – Tearcë i bën apel edhe “Komisionit Antikorrupsion” që të nis hetim ndaj kryetarit aktual dhe të zbardhë të vërtetën e pasurimit të tij për një afat shumë të shkurtër. U bëjmë apel edhe gjitha institucionëve përgjegjëse që të zgjidhin problemin e ujit të pijshëm që sipas analizave uji është ndaluar për pije nga ndotja me fekale.
