Djali i ministrit izraelit, Bezalel Smotrich është plagosur gjatë aktivitetit ushtarak izraelit përgjatë kufirit Izrael-Liban, sipas zëdhënësit të ministrit. Nga raportimet mësohet se djali i Smotrich nuk ka marrë plagë të rënda.
Smotrich, i cili është ministër i financave të Izraelit dhe anëtar i kabinetit të sigurisë, është një nga anëtarët më radikalë të qeverisë izraelite.
Të enjten, ndërsa Forcat Mbrojtëse të Izraelit, IDF intensifikuan sulmet e tyre kundër Hezbollahut në Liban ndërsa Smotrich dha një deklaratë në të cilën paralajmëroi se Bejruti jugor do të shndërrohej në rrënoja.
“Ju donit të na sillnit ferrin dhe e sollët edhe vetë ferrin. Dahieh do të duket si Khan Younis”, tha Smotrich.
Dahieh është periferia jugore e Bejrutit që Izraeli e konsideron një fortesë të Hezbollahut. Khan Younis është një qytet në Gazën jugore që është rrafshuar kryesisht nga bombardimet izraelite gjatë luftës në Gaza.
