Çifti më i komentuar i showbizit shqiptar, Luizi dhe Kiara, kanë ndezur sërish rrjetin me një postim që ka ngjallur kuriozitet dhe spekulime të shumta.
Në një fotografi të publikuar nga darka e tyre romantike, ku duken të buzëqeshur dhe të përqafuar, vëmendjen nuk e mori pamja por… përshkrimi i Luizit:
“Po bëjmë sikur jemi bashkë.”
Deklarata e tij misterioze shpërtheu menjëherë në komente të shumta. Ndjekësit nisën të dyshojnë nëse çifti është ende i bashkuar apo nëse kemi të bëjmë me ndonjë shaka ironike në stilin tipik të Luizit.
Disa fansa e morën me sportivitet, duke e interpretuar si një batutë dashamirëse, ndërsa të tjerë filluan të aludojnë për ndonjë krisje të fshehtë në marrëdhënien e tyre. “Mos vallë është sinjal për një ndarje?”, “Ka diçka që s’shkon?”, ishin disa nga komentet e shumta që u derdhën në postim.
Luizi dhe Kiara janë përfolur vazhdimisht që pas daljes së tyre nga Big Brother VIP, ku historia e tyre dashurore mori vëmendjen e publikut shqiptar. Edhe pas spektaklit, ata kanë qenë mjaft aktivë në rrjete sociale, duke ndarë momente intime dhe bashkëjetesën e tyre.
Por kjo deklaratë, sado e shkurtër, riktheu zërat mbi stabilitetin e marrëdhënies së tyre, duke lënë të gjithë me një pyetje në mendje:
“Po bëjnë shaka… apo po fshehin diçka?”
