Interi ka marrë një fitore të madhe në udhëtim te Udinese me rezultat të pastër 0-2. Kjo fitore erdhi fali një paraqitje fantastike të sulmuesit belg Romelu Lukaku, i cili shënoi dy gola.
Belgu ka folur pas ndeshjes me Udinesen, duke thënë se ndeshja e Kupës së Italisë ndaj Fiorentinës i ka dhënë vetëbesim lojtarëve.
“Ndeshja kundër Fiorentinës në Kupën e Italisë na dha vetëbesim për të vazhduar me rezultate të mira”, tha Lukaku.
Ish-anëtari i Chelseat dhe Manchester Unitedit ka deklaruar se e dinte që nuk do të jetë e lehtë përballja me Udinesen.
“Ne e dinim që nuk do të ishte e lehtë këtu, në Udine, por në pjesën e dytë bëmë mirë”.
“Kemi shënuar dy gola dhe morëm tri pikët. Ishte një fitore e rëndësishme në rrugëtimin tonë. Tani duhet ta mbajmë lart moralin dhe ta përqendrojmë vëmendjen te derbi kundër Milanit”, ka deklaruar Lukaku.
