Lotët e hidhërimit i shndërrohen në lotë gëzimi. Pothuaj e sigurtë është se Reem Sahwil, palestinezja 14 vjeçare që u bë e njohur në gjithë botën se, përmes lotëve, i kërkoi llogari kancelares Angela Merkel për politikën mikpritëse gjermane. Këtë e bëri të ditur Ministri për Politikat e Emigracionit, Aydan Oezoguz.
”Natyrisht, nuk e njoh situatën personale të saj, por flet përkryer gjermanisht dhe jeton këtu prej kohësh. Pikërisht për persona si ajo e kemi ndryshuar ligjin, për t’iu dhënë një perspektivë të rinjve që janë integruar,” shpjegoi Oezoguz.
Një ligj i miratuar tashmë në Bundestag e Bundesrat e që hyn në fuqi brenda verës, parashikon që të rinjtë dhe adoleshentët e huaj të cilët kanë jetuar pa ndërprerje katër vjet në Germani, mund të marrin lejen e qëndrimit.
Ligji i ri, më në përgjithësi, përfshin të gjithë të huajt që jetojnë prej kohësh në Gjermani, janë integruar por nuk kanë marrë lejen e qëndrimit. Bëhet fjalë për diku 125 mijë veta. Ka shpresa, pra, edhe për familjen e Reem.
Takimi i transmetuar nga televizioni gjerman NDR e i përhapur në Youtube, i cili shkurtoi largësinë mes kancelares Angela Merkel e adoleshentes palestineze, Reem, e cila i kërkoi përmes lotëve kancelares pse duhet tani të kthehet në Liban me familjen, edhe pse është e integruar përkryer, u shndërrua në një rast për të kritikuar politikën e qeverisë gjermane ndaj emigracionit.
FOTO:
