Deputetja e Partisë për Drejtësi Integrim dhe Unitet në Kuvendin e Shqipërisë Mesila Doda sot ka goditur nga Dibra – ajo Maqedonisë i thotë ILIRIDA.
“Do të them dy fjalë për një krahinë që më rrinë fort në zemër, është vëndi karshi, Ilirida, krahinë e moçme shqiptare, që edhe emrin sot ia kemi harruar. Dikush i thotë Maqedoni dikush i thotë FYROM ne e ripërsërisim: ILIRIDA” u shpreh sot Mesila Doda në Peshkopi.
Deputetja e porositi presidentin maqedonas Gjorge Ivanov që të mos i kërcënojë shqiptarët e Maqedonisë me ushtri, ngase edhe ata kanë bij që do të kapin armët për të mbrojtur vëllezërit në Iliridë, duke përmendur ushtarët e UÇK-së në Sharr dhe mesazhin e tyre të djeshëm se janë të gatshëm të mbrojnë bashkëkombasit në rast të rrezikimit të sigurisë së tyre.
“Ne sot u themi: Nuk jeni vetëm, Shqipëria është me ju! Shteti amë do t’ju përkrahë pa asnjë dyshim”, porositi Doda.
Në vazhdim videoja e plotë e fjalimit të Dodës në Dibër të Vogël kushtuar Maqedonisë.
