Për të filluar negociatat nevojitet ndryshim i Kushtetutës, tha në deklaratën e tij të sotme lideri i opozitës VMRO-DPMNE, Hristijan Mickoski, duke iu referuar një artikulli nga dokumenti “Qëndrimi i përbashkët i BE-së”.
Ai la vend që një dileme të tillë t’i përgjigjet ndonjë ekspert.
“Dilema me të cilën ballafaqohet VMRO-DPMNE, opinioni maqedonas dhe qytetarët është si vijon, në nenin 11, në dokumentin “qëndrimi i përbashkët i BE-së”, thuhet qartë se Maqedonia nuk do të fillojë negociatat derisa të ndryshohet Kushtetuta. Është e vërtetë apo jo, ia lë ndonjë eksperti, por edhe njerëzve që merren me këtë problem të përgjigjen”, tha Mickoski.
