Përfaqësuesi i Bashkimit Europian, i dërguari për dialogun Kosovë-Serbi, Miroslav Lajçak ditën e dytë të vizitës së tij në Kosovë e ka nisur me një takim të zhvilluar me U.D së Presidentes së Kosovës, Vjosa Osmani.
Sipas mediave në Kosovë, Lajçak tashmë ka arritur në zyrën e Osmanit në Presidencën e Kosovës, ku edhe po zhvillohet ky takim. Mbrëmë Lajçak zhvilloi një takim me liderin e Lëvizjes Vetëvendosje, Albin Kurtin dhe ambasadorët e QUINT-it në Kosovë.
Pas takimit me Kurtin, Lajçak zgjodhi të mos deklarohet për media, derisa Kurti tha se ai e ka bërë të qartë qëndrimin që ka karshi dialogut dhe rëndësisë së këtij procesi për vendin. Lajçak gjatë ditës do të takohet edhe më ushtruesin e detyrës së kryetarit të PDK-së, Enver Hoxhaj.
