Një grua në Adana të Turqisë ka festuar divorcin e saj me gëzim të madh me tupanë edhe surle. Çilem Ülkerler, 42-vjecarja që ishte e martuar për 18 vite me O.T. fitoi betejën ligjore ndaj ish-bashkëshortit që zgjati më pak se dy vite.
Ajo këtë lajm e ka cilësuar si fitore duke festuar me tupanë e surle, ku fqinjët ndiqnin nga afër atmosferën e krijuar në lagje.
“Si nusja vallëzon nën tingujt e tupanëve dhe surleve, unë po e bëj të njëjtën gjë pasi jam shkurorëzuar”, ka thënë Ulkerler.
E disa prej arsyeve që çuan këtë grua nga Turqia drejt shkurorëzimit, ishin problemet e shumta ekonomike dhe dh una nga ish-bashkëshorti që i dha tr auma të mëdha.
