Presidenti turk Rexhep Tajip Erdogan do të mbërrijë në një vizitë zyrtare në Serbi në fund të shtatorit, deklaroi të martën e përditëshmja e Beogradit “Vecernje Novosti”.
Ky medium njoftoi se delegacioni turk do të përbëhet prej 150 biznesmenëve të cilët u takojnë sektorëve të ndryshëm.
Sipas gazetës beogradase, Erdogan duhet të flaës me presidentin serb Aleksandër Vuçiq për bashkëpunim në sektorin e industrisë së tekstilit, privatizimin e ujërave termale, një degë e tubacionit të gazit turk i cili duhet të kalojë nëpër Serbi, transmeton Periskopi.
Presidentët e dy shteteve respective u takuan në Stamboll në muajin korrik ku morën pjesë në Kongresin e 22-të Botëror të Naftës.
Të hënën në Beograd, Vuçiq u takua me kreun e Organizatës Kombëtare të Inteligjencës së Turqisë, Hakan Fidan, kur diskutuan “sfidat e sigurisë me të cilat ballafaqohen të dy vendet”./Periskopi
