Një nënë e re ka rrëfyer së fundmi se që prej lindjes së vajzës së saj, ajo qan pothuajse çdo javë për shkak të emrit që i ka vënë – Brielle.
Emri, i cili u zgjodh menjëherë pas lindjes, nëna thotë se nuk është ndjerë asnjëherë rehat me të.
“KAM QARË ÇDO JAVË PËR EMRIN BRIELLE. NUK MENDOJ SE I PËRSHTATET FARE. ËSHTË SHUMË NDRYSHE NGA STILI IM, QË ËSHTË MË KLASIK DHE TRADICIONAL,” – SHKRUAN AJO.
Ajo shton se ndjehet veçanërisht keq kur njerëzit e thërrasin vajzën me pseudonimin Bri, që e bën të kriset nga sikleti.
Sipas saj, bashkëshorti nuk e ka kuptuar kurrë sa e rëndësishme ishte për të kjo çështje dhe tashmë ndodhen në një “kryqëzim”, ku duhet të marrin një vendim përfundimtar: ta ndryshojnë emrin ose ta pranojnë përgjithmonë.
Në rrjet, reagimet kanë qenë të ndryshme:
“A e di vajza që e ka emrin Brielle? Reagon ndaj tij? Pse nuk provon të përdorësh një pseudonim tjetër si Elle ose Ellie?”, sugjeron një përdorues.
Një tjetër shkruan: “Personalisht, mendoj se 18 muaj janë shumë për ta ndryshuar emrin, por në fund të ditës është vendimi yt.”
Dikush tjetër i propozon një kompromis: “Nëse nuk të pëlqen Bri, thuaju të gjithëve ta thërrasin Brielle ose përdor emrin e mesëm.”
