Paris Saint Germain nuk ka mundur të fitojë Kupën e Francës, pasi është mposhtur në finale nga Rennes.
Kryeqytetasit ishin në epërsi 2-0 nga pjesa e parë, por në fund rezultati u barazua dhe Rennes arriti fitoren pas ekzekutimit të penalltive.
Futbollisti më i shtrenjtë në histori të futbollit, Neymar ka treguar zhgënjimin që ka pas ndeshjes për goal.com.
“Shoh lojtarët e rinj që kanë talent dhe nuk janë dështakë, por ata më shumë flasin se sa dëgjojnë”.
“Futbollistët e rinj duhet të mësojnë të dëgjojnë më shumë se sa të flasin. Kur një lojtar me përvojë flet, ata iu përgjigjën menjëherë, kur trajneri flet, ata i kthehen. Kështu një ekip nuk ecën përpara”, deklaroi Neymar.
Neymar thotë se kur ishte në moshë të re i ka dëgjuar bashkëlojtarët e tij më të vjetër dhe këshillon shokët e skuadrës që ta dëgjojnë atë dhe veteranët e ekipit.
“Ne kemi më shumë përvojë, kështu që ata duhet të na respektojnë, të na dëgjojnë më shumë. Unë kam vepruar kështu kur fillova të luaja, i dëgjoja më të vjetrit”.
“Duhet të sillemi si burra në dhomën e zhveshjes, duhet të jemi më të bashkuar”, përfundoi braziliani.
PSG këtë edicion ka arritur ta fitojë vetëm Ligue 1, duke dështuar në garat tjera.
