Ishte një mundësi që ndeshja e nesërme mes Shqipërisë dhe Bjellorusisë të zhvendosej në “Elbasan Arena”, për shkak të kushteve jo të mira në fushën e “Air Albania”.
Kuqezinjtë vuajtën terrenin në sfidën ndaj Kazakistanit dhe këtë e shprehu hapur pas sfidës edhe trajneri Edi Reja.
Ndaj, shpresohej në një zhvendosje të minutave të fundit, por duket se ky opsion nuk i shkon për shtat miqve, të cilët nuk kanë preferuar të ndryshojnë impiant.
Kështu, përfundimisht finalja e nesërme për vendin e parë në grup ndaj Bjellorusëve do të luhet në “Air Albania”, duke filluar nga ora 16:00.
Kujtojmë se Shqipërisë i duhet medoemos fitorja për vendin e parë në Grupin 4 të Ligëc C, ndërsa miqtë kanë në anën e tyre edhe barazimin.
