Presidenti rus, Vladimir Putin ka refuzuar që shteti i tij të vendoset në bllokim, edhe pse është shënuar numër i lartë i të prekurve e viktimave nga koronavirusi.
Vladimir Putin shpalli javën e ardhshme një pushim për të gjithë Rusinë, me pagesë për punonjësit. Sidoqoftë, ai nuk pranoi të imponojë një bllokim duke shkaktuar kritika të mëdha.
Putin doli me fjalimin e tij të parë për krizën e koronavirusit, gjatë të mërkruës. Fjalimi I tij u transmetua vetëm disa orë pasi Rusia regjistroi rritjen e saj më të madhe ditore në rastet e koronavirusit, duke e çuar numrin e përgjithshëm në 658.
Deri më tani ka pasur vetëm dy fatalitete në vend.
Sidoqoftë, me shumë vende përfshirë Britaninë e Madhe dhe Indinë që kanë hyrë në bllokim tre-javor ose më shumë, e njëjta nuk ka ndodhur me Rusinë. Kjo gjë ka nxitur kritika të mëdha për qeverinë ruse, që nuk ka bërë më shumë për të trajtuar përhapjen e sëmundjes.
Për më tepër, Putin nuk tregoi se si sektori privat duhet të paguajë punonjësit e tij javën e ardhshme.
Putin përsëriti pretendimin e tij se Rusia deri më tani “ka arritur të frenojë përhapjen e shpejtë të sëmundjes”, por i kërkoi vendit që të mos jetë i vetëkënaqur.
Ai tha: “Mos mendo:” Kjo nuk mund të më ndodhë Kjo mund t’i ndodhë kujtdo”.
Sidoqoftë, pavarësisht paralajmërimit, shumë menduan se presidenti rus duhet të kishte vendosur një bllokim të plotë.
Më parë të Mërkurën, kryetari Sergei Sobyanin, i cili ka porositur një bllokim në të gjithë qytetin për njerëzit mbi 65 vjeç, paralajmëroi se epidemia po përkeqësohet.
Sobyanin bëri thirrje për një distancë më të madhe sociale në kryeqytetin rus pasi rastet vazhdojnë të rriten.
