Kryeministri Rama tha se drejtësia e re po jep sinjale, ndonëse i mirëkupton skeptikët. “Javën që po lëm pas ka ndodhur diçka historike, që ka kalua thuajse pa u vënë re: arrestimi i gjykatëse në Krujë dhe gjithë rrjetit të saj, si dhe vendimi i Gjykatës së Strasburgut për të refuzuar kërkesën e një subjekti të goditur nga vetting, duke e konsideruar goditjen nga vettingu legjitime.
Kjo përbën një moment historik të kalimit në një fazë tjetër në drejtësinë shqiptare”, theksoi i pari i qeverisë gjatë një bashkëbisedimi publik në Tiranë.
“Po qe puna për padurim dhe pakënaqësi nga sistemi i drejtësisë, unë jam i pari, pasi marr shumë lajme të këqija nga sistemi i drejtësisë. Njerëzit i marrin lajmet kur u ndodh në kurriz. Për shkak të detyrës më duhet të marr shumë më tepër nga këto lajme të këqija”, theksoi Rama.
