U fol për 8 Ministra bashkë me Tahirin që do të linin qeverinë në këtë fund mandati, por duket se do të jenë vetëm gjysma e tyre.
Burime për Ora News nga mbledhja që Rama zhvilloi me kordinatorët e PS në qarqe gjatë paradites së sotme në selinë rozë bëjnë me dije se është marrë vendimi për shkarkimin e katër Ministrave.
Emrat e Ministrave që do lenë postin por edhe të atyre që do i zëvendësojnë pritet të publikohen ditën e hënë, 13 mars 2017.
Në mbledhjen që zgjati më shumë se 40 minuta ishin të pranishëm Ministrat Çuçi, Beqaj, Nikolla, Klosi dhe Tahiri, që një ditë më parë u fol për dorëheqjen e tij.
Po kështu në mbledhje ishte dhe kryetari i grupit parlamentar Gramoz Ruçi, ndërsa mungonte Ministri Gjiknuri.
