Kryeministri i Shqipërisë Edi Rama tha se Serbia do të ketë një përfaqësues në Samitin BE-Ballkani Perëndimor më 6 dhjetor në Tiranë dhe se presidenti serb Aleksandar Vuçiq nuk ka zgjidhje tjetër veçse të vijë, ka shkruar Kossev sot në mediat e Prishtinës, transmeton InfoShqip.
“Nuk jam i emocionuar nga asnjë deklaratë e politikanëve për qëllimet e politikës së tyre të brendshme. Serbia do të jetë në samit. Presidenti i Serbisë nuk ka zgjidhje tjetër veçse të vijë në samit. Këtë e them me bindje sepse në të kundërtën do të ishte fatkeqësi për Serbinë dhe për të sigurisht”, ka thënë Rama.
Pasi kryeministri i Kosovës Aljbin Kurti emëroi Nenad Rashiqin për ministër dhe Rada Trajkoviqin si këshilltare të tij dhe përgjigjen e parë të Bashkimit Evropian, Vuçiq tha se “askush nga Serbia nuk do të jetë në Tiranë më 6 dhjetor”.
Megjithatë, vetëm një ditë më vonë, pas një takimi me Komisionerin serb për Politikat e Fqinjësisë dhe Negociatat e Zgjerimit, Oliver Varhelji, ai tha se do të mendohej dhe do të vendoste gjatë fundjavës nëse do të shkonte në Tiranë.
Siç raporton RTK 2, Rama gjatë një bisede me qytetarë përmes rrjeteve sociale ka vlerësuar se Samiti në Tiranë ishte më i rëndësishmi në historinë e marrëdhënieve ndërkombëtare.
“Jemi 48 orë larg një ngjarjeje të jashtëzakonshme, historike, më e rëndësishmja në marrëdhëniet ndërkombëtare të vendit. Të gjithë liderët e BE-së vijnë në Tiranë, për herë të parë në një vend jo anëtar të BE-së, për Samitin e BE-së – Ballkani Perëndimor”, tha Rama dhe shtoi se përveç kryeministrit spanjoll Pedro Sanchez, të gjithë liderët e tjerë do të jenë në Tiranë./InfoShqip.com
