Qeveria shpalli maskën si një detyrim të panegociueshëm në situatën sërish të agravuar të përhapjes së infeksionit COVID, kudo në botë.
Ishte kryeministri Rama që shpalli se maska do jetë e detyueshme edhe në ambiente publike.
“Nga java e ardhshme, maska do jetë e detyrueshme kudo, përveç shtëpisë, restoranteve, barit ku je ulur. Gjoba duhet të jetë e fundit dhe nuk duhet të jetë gjoba ajo pse njerëzit duhet të mbajnë maskën”, theksoi i pari i qeverisë, duke thënë se zbatimi do të ndiqet nga policitë bashkiake, por dhe nga Policia e Shtetit.
“Policia Bashkiake do të merret me këtë…. Nëse në biznese gjoba vendet në rrugë tragjidicionale për individitët do u vendoset te fatura e dritave”, tha Rama
I pari i qeverisë ftoi njerëzit që kjo masë të mirëkuptohet, pasi është e vetmja që mund të shmangë një izolim të dytë, e cila do ishte me pasoja.
“Më mirë një maskë sot se mbyllja e dyqanit nesër, më mirë një maskë sot se mbyllja e shkollës nesër.
Siç e shihni, është një tendencë e përgjithshme që nuk i shmangemi dot. Kam parë një sërë vendesh që janë kthyer tek oraret e kufiizuara të shërbimeve tek mbyllja e bareve në orën 8-9 të darkës. Nuk dua të shkojmë drejt këtyre masave, ta kalojmë dimrin pa këto masa”, theksoi Rama.
Kryeministri shpalli se dhe ai vetë do mbajë maskë.
“Shumë e thjeshtë: unë s’kam mbajtur maskë jashtë, por do e mbaj pasi brenda nuk diskutohet”.
