Një kamion mallrash me rimorkio është përmbysur në një autostradë polake, duke derdhur tonelata çokollatë të lëngshme në rrugë, duke shkaktuar vështirësi qarkullimi.
Transmetuesi privat TVN24 tregoi imazhet e një kamioni të përmbysur të rrethuar nga çokollata ngjyrë kafe që mbulonte gjashtë korsi në autostradën A2, duke bllokuar trafikun në të dyja drejtimet.
Zyrtarët e shpëtimit thanë se çokollata e lëngshme ishte ngurtësuar ndërsa ftohej dhe do të kërkonte sasi të mëdha të ujit të nxehtë për t’u pastruar.
Shefi i brigadës së zjarrfikëseve të Sllupcës (qytet në Poloninë Perëdnimore), Bogdan Koëalski, tha se “çokollata e ftohtë është më e keqe se bora”.
TVN24 raportoi nga vendi i aksidentit se shoferi u dërgua në një spital me krahun e thyer. Aksidenti ndodhi në mëngjes, kur nuk kishte trafik dhe askush tjetër nuk u lëndua.
