Prodhuesit dhe shoferët kosovarë kanë nisur protestat pas hyrjes në fuqi të vendimit të qeverisë për të vendosur taksë për mjetet që kalojnë në ‘Rrugën e Kombit’.
Gjatë ditës së sotme 150 kamionë nga Kosova kanë protestuar në Morinë kundër vendosjes së taksës prej 5-10 euro për mjetet që kalojnë në ‘Rrugën e Kombit’.
Ata kanë vendosur edhe pankarta në kamionët e tyre. “Ruaje zot Shqipërinë prej shqiptarëve”, “S’po hjekim kufi, po qesim kufi” janë disa nga pankartat e vendosura në kamione.
Kamionët janë futur bosh në Shqipëri dhe do kthehen bosh për në Kosovë. Në protestë janë importues të kripës, hekurit, tullave, mallra ushqimore etj.
