Një zbulim i jashtëzakonshëm në fushën e mjekësisë ka nxjerrë në pah grupin më të rrallë të gjakut të njohur deri më sot: Gwada Negative, i identifikuar tek një grua nga Guadelupa.
Ky lloj gjaku u njoh zyrtarisht si sistemi i 48-të i grupeve të gjakut nga Shoqata Ndërkombëtare për Transfuzionin e Gjakut. Ajo që e bën unik është mungesa e një antigjeni universal të quajtur EMM, i cili gjendet pothuajse tek të gjithë njerëzit.
Rasti i kësaj gruaje u regjistrua fillimisht në vitin 2011, por vetëm pas vitit 2019, falë avancimeve në sekuencimin e ADN-së, shkencëtarët zbuluan se ajo mbart një mutacion të rrallë në gjenin PIGZ. Ky mutacion i ndal trupit të prodhojë antigjenin EMM.
Për pasojë, gjaku i saj është plotësisht i papërshtatshëm për çdo lloj transfuzioni nga ndonjë tjetër person – dhe anasjelltas. Në praktikë, ajo është e vetmja në botë me këtë grup gjaku dhe nuk ka asnjë dhurues të mundshëm të njohur.
Ky rast vë në pah sfidat kritike për sistemet shëndetësore dhe thekson rëndësinë e njohjes së diversitetit gjenetik në transfuzionin e gjakut.
