Vërshimet kanë përfshirë edhe rajonin e Ohrit ku janë prekur disa fshatra dhe pjesë të qytetit. Situata po menaxhohet nga ana e Komunës dhe ndërmarrjeve komunale. Kryetari Komunës Kirill Pecakov thotë se situata më e rënduar është në fshatin Orman ku kalon edhe Lumi që ka dal nga shtrati.
“Problem më të madh që jep është Lumi Kosel dhe ajo që vjen nga Tepelopolja nga kanalet janë të hapur dy tre kanale ku 30 vite nuk kanë pranuar ujë, kjo po ndodh pas 30 vitesh dhe një pjesë e madhe e shtëpive janë përmbytur dhe janë në rrezik, përmbytjet vazhdojnë ndërsa Lumi Kosel ka dal nga shtrati në disa vende dhe më I prekur është fshati Orman”, tha Kirill Pecakov- Kryetar i Komunës së Ohrit.
Nga qendra për menaxhim me kriza thonë se po qëndrojnë në teren për të vëzhguar nga afër situatën.
“Në Ohër dhe rrethinën e tij, për shkak të reshjeve të dendura të shiut, ka bodrume, oborre dhe disa ndërtesa të përmbytura në qytet. Disa përrenj janë dalë nga shtrati, ndërsa autoritetet lokale dhe stafi i krizës janë në terren, ndërsa ekipet e ndërmarrjeve publike „Vodoshted“ (Ujësjellësi), „Ndërtim të Ulët“ dhe „Komunalec“ ndërhyjnë dhe largojnë ujin”, thonë nga Qendra për Menaxhim me Kriza -Ohër.
Kryetari Pecakov tha se 24 Orët e ardhshme janë rrezik për Ohrin pasi që në mëngjes ka rënë edhe borë në pjesët malore nga ku rrjedh edhe Lumi që ka dal nga shtrati.
