Sonte në orën 21:00 mbahet nata e parë gjysmëfinale e festivalit europian, “Eurovision Song Contest 2025”. Këtë vit edicioni i 69-të do të zhvillohet në Bazel të Zvicrës.
Një total prej 15 vendesh do të ngjiten në skenë në mbrëmje, por vetëm 10 prej tyre do të kualifikohen për Finalen e Madhe të shtunën (17 maj), ku do të kurorëzohet fituesi i Eurovision 2025 .
‘Shkodra Elektronike’ do ta përfaqësojë Shqipërinë këtë vit me këngën “Zjerm” dhe do të performojë sonte e 12-ta në renditje.
Sonte, do të shohim gjithashtu Spanjën, Italinë dhe Zvicrën të performojnë. Këto vende jo vetëm që do të prezantojnë këngët e tyre, por do të votojnë edhe në këtë gjysmëfinale.
15 shtetet që do performojnë sonte
Islandë
Polonia
Slloveni
Estoni
Ukrainë
Suedi
Portugali
Norvegji
Belgjikë
Azerbajxhan
San Marino
Shqipëri
Holandë
Kroaci
Qipro
Gjysmëfinalja e dytë do të zhvillohet më 15 maj ndërsa do të performojnë 16 shtete.
Kujtojmë se Zvicra triumfoi në edicionin e 68-të të Festivalit Europian të Këngës me këngëtarin Nemo me këngën e tij “The Code”. Nata finale e Eurovision 2024 që u mbajt në Suedi dhuroi një spektakël, ndërsa këngëtari Nemo mori një rezultat mbresëlënës prej 591 pikësh.
