Kryeministri britanik Keir Starmer tha të hënën se pavarësisht presionit, Britania nuk do të përfshihet në luftën e Iranit dhe nuk po mbështet një bllokadë të Ngushticës së Hormuzit.
Duke folur për BBC Radio 5 Live, Starmer tha se ishte jetike që Ngushtica të rihapej.
“Sipas mendimit tim, është jetike që ta hapim Ngushticën dhe ta hapim plotësisht, dhe aty i kemi përqendruar të gjitha përpjekjet tona në vitet e fundit dhe do të vazhdojmë ta bëjmë këtë”, tha Starmer.
Starmer gjithashtu ka njoftuar se po planifikon një ligj që qeveria e Mbretërisë së Bashkuar mund të miratojë rregullat e tregut të vetëm të BE-së, pa një votim normal parlamentar.
Masa është pjesë e një projektligji që synon të përafrojë Mbretërinë e Bashkuar me rregulloret e reja evropiane në fusha të tilla si standardet ushqimore. Mbretëria e Bashkuar dhe BE-ja po negociojnë aktualisht marrëveshje të ndryshme, përfshirë një që ka të bëjë me sigurinë ushqimore dhe standardet për shëndetin e kafshëve dhe bimëve.
