Dy anije cisterna me interesa greke thuhet se u shënjestruan në një sulm me dron në Detin e Zi, në një zonë detare pranë portit të Novorossiysk , në orët e para të së martës.
Sipas LSEG, kjo ishte naftëmbajtësja Delta Harmony e operuar nga kompania greke Delta Tankers dhe pritej të ngarkonte naftë nga Tengizchevroil, si dhe naftëmbajtësja Matilda e operuar nga kompania greke Thenamaris dhe pritej të ngarkonte naftë nga Karachaganak, shtuan burimet.
Deri më tani, është e paqartë nëse operacioni është kryer me dronë ajrorë, dronë detarë apo një kombinim i të dyjave.
Raportet e hershme tregojnë se një zjarr shpërtheu në Delta Harmony, i cili, sipas të njëjtave raportime, u vu shpejt nën kontroll pa zgjatje të mëtejshme.
Të dy anijet duhej të ngarkoheshin në CPC, rruga kryesore e eksportit për naftën e Kazakistanit, por ishin larguar përkohësisht për të pritur radhën e tyre për të marrë ngarkesat, tha një burim për Bloomberg, duke kërkuar anonimitet. Shkalla e dëmit në të dy anijet nuk ishte menjëherë e qartë.
