Observatori Sizmik i Fakultetit të Shkencave Matematiko-Natyrore në Shkup, sot ka regjistruar një tërmet me epiqendër në Shqipëri, gjegjësisht në zonën Dibër-Peshkopi, njofton Portalb.mk.
Tërmeti ka ndodhur në ora 15:53 minuta me fuqi prej 4.8 shkallë të rihterit. Sipas të dhënave të tanishme, tërmeti është ndjerë në Dibër me intensitet V shkallë, Tetovë dhe Gostivar me intensitet IV shkallë, ndërkaq në Shkup dhe rrethinë me intensitet prej III shkallëve sipas Shkallës makrosizmike evropiake.
