Klubi i deputetëve të Partisë boshnjake i kanë paraqitur Parlamentit të Malit të Zi iniciativën për miratimin e një rezolute mbi njohjen e gjenocidit në Srebrenicë.Deputetët e Partisë boshnjake sot do t’i prezantojnë detajet e iniciativës, për të cilën presin mbështetjen e partive tjera politike në parlamentin malazias, transmetojnë mediat e rajonit.
Parlamenti i Malit të Zi në vitin 2009 ka miratuar Deklaratën për Srebrenicën, por në të nuk përmendet se ka ndodhur gjenocidi. Senati i Kongresit të Shteteve të Bashkuara ka miratuar pardje një rezolute me rastin e 25-vjetorit të Marrëveshjes së Dejtonit, në të cilën konstatohet se në Srebrenicë ka ndodhur gjenocid.
