Në takimin e Bordit të Paqes, president Donald Trump tha se ai e zgjidhi çështjen mes Kosovës dhe Serbisë dhe u kërkoi ta telefonojnë nëse lindin sërish tensione.
Presidenti Donald Trump gjatë fjalës së tij në takimin inaugurues të Bordit të Paqes në Washington la të kuptohet se e konsideron veten faktor kyç në raportet mes Kosovës dhe Serbisë, duke ofruar sërish ndërmjetësim nëse situata tensionohet.
“Unë e arrita këtë.” Kështu u shpreh ai teksa foli për Kosovën dhe Serbinë.
Ai iu drejtua presidentes Vjosa Osmani duke thënë:
“Mund të ngriheni në këmbë. Çfarë pune që keni bërë! Shumë mirë. Po shkoni shumë mirë me njëri-tjetrin dhe kur të mos shkoni mirë me njëri-tjetrin më merrni në telefon dhe e zgjidhim këtë punë.”
Në momentin që u përmend, Osmani reagoi duke u ngritur në këmbë dhe konfirmoi me shenjën e gishtit të madh.
