Presidenti Trump duket se po bëhet gjithnjë e më i irrituar nga ajo që ai e sheh si një reagim i vakët nga aleatët evropianë të Amerikës, ndërsa një nga një ata po refuzojnë kërkesën e tij për ndihmë.
Kancelari gjerman Friedrich Merz ka deklaruar se lufta me Iranin “nuk është çështje për NATO-n”, ndërsa zyrtarë në Francë kanë bërë të qartë se Parisi nuk do të dislokojë forca detare drejtpërdrejt në Ngushticën e Hormuzit si pjesë e një përpjekjeje të udhëhequr nga SHBA për ta mbajtur atë të hapur për sa kohë që lufta vazhdon.
Duke folur për BBC Neësnight, presidenti i Finlandës Alexander Stubb tha se nuk mbështet një “përshkallëzim të situatës” duke dërguar ushtrinë e vendit për të mbështetur SHBA-në.
Trump shprehu habinë që vendet e tjera nuk ishin “të etura” për t’u përfshirë dhe theksoi se shtete si Kina dhe Japonia, të cilat varen shumë nga kjo ngushticë për naftë, duhet të bëjnë më shumë.
I pyetur për udhëtimin e tij të planifikuar në Pekin më vonë këtë muaj, Trump ka thënë se ai mund të shtyhet në mënyrë që ai të qëndrojë në vend për t’u fokusuar te lufta.
