Kryeministri Hristijan Mickoski theksoi sot se Qeveria nuk përkrah tubimin në mbështetje të ish-krerëve të UÇK-së, por do të kujdeset që marshi të kalojë më së miri, pa incidente. Sipas tij, përkrahja e tubimit nga Izet Mexhiti bëhet për të mos humbur pikë politike.
“Qeveria nuk e mbështet dhe nuk e kemi për qëllim ta mbështesim, por gjithsesi do të kujdesemi që e gjithë kjo të kalojë më së miri, të mos ketë incidente, të mos ndodhë diçka që ne qytetarët nuk duam të ndodhë. Përndryshe supozoj që ky vendim i Mexhitit është marrë nën trysninë e organizatorëve duke menduar se nëse nuk e mbështet do të humbë pikë politike, e që mendoj se është vendim i gabuar.”, deklaroi kryeministri, Hristijan Mickoski.
Sipas tij, institucionet kanë formuar një shtab të posaçëm krize për tu kujdesur për mbarëvajtjen e protestës./INA/
