Turqia është bërë zyrtarisht anëtarja e parë e UEFA-s që ka kërkuar publikisht pezullimin e Izraelit nga futbolli ndërkombëtar, duke e cilësuar situatën në Gazë si “çnjerëzore dhe e papranueshme”.
Agjencia Anadolu njoftoi se kryetari i Federatës së Futbollit të Turqisë, Ibrahim Hacıosmanoğlu, të premten ka dërguar një letër drejtuar krerëve të futbollit botëror, përpara mbledhjes së ardhshme të Komitetit Ekzekutiv të UEFA-s, ku pritet të diskutohet dhe mundësia e një votimi për pezullimin e Izraelit.
“Tani është koha që FIFA dhe UEFA të veprojnë. Edhe pse pretendojnë se mbrojnë vlerat qytetare dhe paqen, bota e sportit dhe institucionet e futbollit kanë heshtur për një kohë të gjatë”, thuhet në letrën e Hacıosmanoğlu.
Departamenti Amerikan i Shtetit të enjten bëri të ditur se do të punojë për të parandaluar çdo përpjekje për përjashtimin e Izraelit nga Kupa e Botës 2026, e cila do të mbahet në SHBA, Meksikë dhe Kanada.
Presidenti i FIFA-s, Gianni Infantino, është i njohur për marrëdhëniet e tij të ngushta me organizatorët e Kupës së Botës dhe me ish-presidentin amerikan Donald Trump, gjë që bën që pezullimi i Izraelit të duket i pamundur në këtë fazë.
Izraeli aktualisht merr pjesë në kualifikimet për Kupën e Botës, dhe ndeshja e tij e radhës është më 11 tetor në Oslo.
