Turqia ka lëshuar një paralajmërim ndaj Shteteve të Bashkuara të Amerikës, Irakut dhe forcave kurde se do të ndërmarrë veprime të drejtpërdrejta ushtarake nëse organizatat kurde përfshihen në operacione kundër Iranit, raporton portali “Türkiye”.
Sipas informacioneve të siguruara nga Ankaraja, me fillimin e sulmeve ndaj Iranit, shërbimi inteligjent izraelit Mossad ka tentuar të negociojë me Partinë e Punëtorëve të Kurdistanit (PKK) dhe krahun e saj iranian PYAK. Qëllimi ishte përdorimi i këtyre grupeve, të cilat Turqia i konsideron terroriste, si “forca ndërmjetëse” në terren gjatë luftimeve.
Gjatë një bisede telefonike me Presidentin amerikan Donald Trump, presidenti turk Recep Tayyip Erdoğan e kundërshtoi qartë një skenar të tillë.
Ai theksoi se qëndrimi i Turqisë për integritetin territorial të Iranit është i qartë dhe paralajmëroi se Ankaraja do të ndërhyjë ushtarakisht “pavarësisht proceseve në vazhdim, ashtu siç bëri në Siri”.
“Nuk do të dëgjojmë histori për procese aktive. Ne do të sulmojmë. E patë çfarë ndodhi në Siri, të njëjtën gjë do të bëjmë edhe këtu. Masat e nevojshme do të ndërmerren në përpjekjen më të vogël për përhapjen e flakës së luftës në rajon”, deklaroi Erdoğan. /InfoShqip.com
