Ditën e sotme opozita pritet të zhvillojë protestën e saj e cila pritet të jetë e madhe dhe të sjellë fundit e Ramës.
Por ndërkohë që opozita është nisur për protestë ish-deputeti Bardh Spahia është kthyer në një hero.
Spahia është shndërruar në “shpëtimtarin” e një të reje, duke i dhënë ndihmën e parë mjekësore pasi u përplas nga një mjet në aksin Lezhë- Shkodër.
Ish-deputeti i PD po i drejtohej Tiranës, së bashku me demokratë nga Shkodra për t’iu bashkuar protestës së ditës së sotme.
E reja identiteti i së cilës nuk dihet ende është përplasur nga një automjet, drejtuesi i së cilit u largua me shpejtësi nga vendi i ngjarjes, duke e lënë atë të shtrinë në mes të rrugës.
Bardhi, i cili është diplomuar si mjek i përgjithshëm i ka dhënë ndihmën e parë, deri sa ka mbërritur ambulanca dhe e ka dërguar atë në spital.
