Ambasadori rus në Shtetet e Bashkuara, Anatoly Antonov, i cili u kthye në Moskë në mars për konsultime për shkak të përkeqësimit të marrëdhënieve midis dy vendeve, fluturoi në Uashington këtë mëngjes, transmeton InfoShqip.
Në aeroportin Sheremetyevo, ambasadori rus i tha Sputnik se ai po kthehej në Uashington me optimizëm. Ai deklaroi se tashmë ka caktuar takime në Shtetet e Bashkuara.
Ai shprehu shpresën se bashkëpunimi me kolegët në Uashington do të ishte konstruktiv. Dje, ambasadori amerikan në Rusi, John Sullivan, njoftoi se ai synon të kthehet së shpejti në Moskë.
Duhet të kujtojmë se pas takimit me kolegun amerikan Joseph Biden në samitin në Gjenevë më 16 qershor, Presidenti rus Vladimir Putin deklaroi se ishte arritur një marrëveshje për kthimin në postet e tyre të ambasadorëve të Rusisë dhe SHBA-ve, Anatoli Antonov dhe John Sullivan./InfoShqip.com
