Biznesmeni miliarder dhe filantropi David Rockefeller, i cili ishte i fundit i gjeneratës së tij i një prej familjeve më të famshme filantrope të Amerikës, vdiq ditën e sotme në moshën 101 vjeçare.
Rockefeller vdiq në gjumë në shtëpinë e tij në Pocantico Hills të Nju Jorkut, sipas zëdhënësit Fraser Seitel. Ai ishte më i vogli i 6 fëmijëve të lindur nga John Rockefeller dhe stërnipi i themeluesit të Standard Oil, John Rockefeller. Me vdekjen e vëllezërve të tij, ai u bë trashëgimtari i pasurisë së familjes, dhe kreu i rrjetit të madh të bizneseve familjare.
Dy prej vëllezërve të tij ishin pjesë e politikës: Nelson shërbeu si guvernator i Nju Jorkut si dhe për një kohë të shkurtër ishte zv/President. Ndërsa Ëinthrop Rockefeller ishte guvernator i Arkansasit.
David Rockefeller megjithatë zgjeroi pushtetin dhe ndikimin e tij pa u marrë me politikë. Një nga projektet e tij më të njohura ishte ai i ndërtimit të Ëorld Trade Center. Dhe ndryshe nga vëllerëzit e tij që ishin të tërhequr nga vëmendja e publikut, John D. III dhe Laurence, David përqafonte biznesin dhe udhëtonte duke mbajtur fjalime për lulëzimin e kapitalizmit.
“Kapitalizmi amerikan ka sjellë më shumë përfitime për njerëzit se çdo sistem tjetër në çdo aspekt të jetës në çdo kohë të histori,” thoshte Rockefeller.
