Një video e rrallë që tregon për herë të parë imazhe të një fisi të izoluar të Amazonës u prezantua nga ambientalisti amerikan Paul Rosoli gjatë një podcasti. Sipas Rosolit, i cili ka kaluar dy dekada duke punuar në Amazonë, ky moment ishte një nga përvojat më intensive të jetës së tij.
Ai tha se deri më tani, videot e fiseve që nuk kanë pasur kontakt me botën e jashtme kanë qenë të paqarta, zakonisht të bëra nga larg, ndërsa këto janë regjistruar nga një distancë e shkurtër me pamje të qarta. Në video, fisi shfaqet në një plazh përmes një reje të mirëfilltë fluturash. Ata lëvizin me kujdes, duke i vëzhguar të huajt ndërsa përpiqen të analizojnë çdo kërcënim të mundshëm.
Ambientalisti përshkroi se kishte vëzhguar me kujdes gjuhën e trupit të tyre ndërsa mblidheshin në formacion me armë. “Shikoni mënyrën se si lëvizin. Shikoni mënyrën se si tregojnë. Shikoni atë me hark. Po shikoja në të gjitha drejtimet… dhe po mendoja: Nga po vjen shigjeta?”
Megjithatë, përfundimisht, anëtarët e fisit ulën armët dhe tensioni u shndërrua në kuriozitet për vizitorët e panjohur. “Këta janë luftëtarë… ata dukeshin vërtet të gatshëm për dhunë. Dhe tani të gjithë po qëndrojnë të relaksuar… dhe duke buzëqeshur”, tha Rosoli.
Studiuesit vlerësojnë se ende ekzistojnë rreth 200 fise të izoluara në të gjithë botën, shumica e të cilave gjenden në pyllin tropikal të Amazonës në Brazil dhe Peru.
NEW: Never-before-seen footage of an uncontacted Amazonian tribe has been released by author Paul Rosolie on Lex Fridman's show.
The tribe was seen lowering their weapons before they were given a canoe of food.
Rosolie is a conservationist who has reportedly spent two decades… pic.twitter.com/a0WF9O2Pof
— Collin Rugg (@CollinRugg) January 16, 2026
