Me rastin e 13-vjetorit të Pavarësisë së Kosovës, raportuesja për Kosovën në Parlamentin Evropian, Viola Von Cramon ka uruar shqiptarët. Në këtë urim, ajo ka përmendur edhe dialogun me Serbinë. Përmes një postimi në “Twitter”, Von Cramon ka thënë se Kosova është plotë potencial.
“Gëzuar ditën e pavarësisë #Kosovë! Ju keni bërë shumë hapa në rrugën e gjatë dhe ajo që është përpara jush nuk është vetëm e lehtë. Por, vendi juaj është plot potencial. Paqëndrueshmëria shpesh duket si rregull jo përjashtim, por për shoqërinë do të jetë më i rëndësishëm #polarizimi dhe më shumë #bashkimi”, ka shkruar Von Cramon.
Po ashtu ajo ka thënë se përveç luftimit të korrupsionit dhe zhvillimit të ekonomisë, dialogu me Serbinë nuk duhet të neglizhohet.
“Kosova dëshiron të shkojë përpara në rrugën e saj evropiane dhe ka shumë punë përpara. Brenda saj, ju duhet ta luftoni korrupsionin dhe ta ndihmoni ekonominë, por dialogu me Beogradin është diçka që nuk mund ta neglizhoni. Pa një marrëveshje me Serbinë, nuk ka perspektivë për integrimin në BE”, ka theksuar ajo.
Ndërkaq, Von Cramon ka theksuar se askush nuk duhet të pres për një të ardhme më të mirë përpara, pa punë angazhim dhe siç thotë ajo pa kompromise.
“Askush nuk duhet të presë që ka një të ardhme më të mirë përpara pa punë, angazhim dhe madje pa kompromise. Tani ka mundësi të reja, përdorni ato! Dhe sot shijoni pushimet tuaja! Urime Dita e Pavarësisë!”, ka shkruar Von Cramon.
