Kanë kaluar tre vjet që nga dasma madhështore e kryetarit të Bashkisë së Tiranës, Erion Veliaj dhe partneres së tij Ajola Xoxa.
E realizuar në kalanë e Gjirokastrës, dasma luksoze qëndroi gjatë në vëmendjen e mediave, ndërsa u cilësua edhe si dasma e vitit 2014.
Megjithatë, dje është zbuluar një detaj, që duket se çifti i famshëm deri tani na e ka mbajtur të fshehtë.
Pavarësisht dasmës së tij madhështore, Erion Veliaj duket se nuk është martuar ligjërisht me Ajola Xoxën. Të paktën ky është konkluzioni i mediave online, sipas të cilave kryebashkiaku votoi në njësinë nr.2, shkolla “Fan Noli” i shoqëruar nga bashkëshortja Ajola Xoxa, por kjo e fundit nuk hodhi asnjë votë në kuti.
I zënë ngushtë nga komentet në media lidhur me këtë, Veliaj ka reaguar duke thëne se Ajola votoi tek Libri Universitar, sepse është ende me prindërit.
