Zinedine Zidane është shfaqur në konferencën për shtyp para ndeshjes së fundit në kampionat, ndaj Real Betis.
Strategu francez ka konfirmuar se në sezonin e ardhshëm do të ketë ndryshime, por ai ende nuk e di nëse do të jetë ndeshja e fundit për Keylor Navas dhe Bale.
“E përfundojmë këtu sezonin dhe duam t’i përshëndesim tifozët tanë me një lojë të mirë dhe fitore. Ka qenë një sezon i ndërlikuar, në fund të të cilit duam të përcjellim një mesazh të qartë. Iu premtojmë tifozëve se do të kthehemi me entuziazëm sezonin e ri, do të jenë krenarë për lojtarët dhe ekipin e tyre.
Formacioni? Nuk do t’ju them asgjë, siç bëj gjithmonë, edhe pse ju kërkoni ta dini. Ne jemi këtu për të menduar për ndeshjen e nesërme, që të hedhim në fushë ata lojtarë, që mund të luajnë mirë dhe të fitojnë. Nëse nuk vendos unë se kush do të luajë, atëherë largohem.
Sfida e fundit për Bale? Nuk e di, nuk mund t’jua them. Është ndeshja e fundit e krejt Real Madridit për këtë sezon. Sezonin e ardhshëm do të ketë ndryshime, por nuk e di se çfarë do të ndodhë”, deklaroi Zidane.
