Shqiptarja Liridona Sekiraqa është femra e parë shqiptare që zgjidhet si këshilltare në komunën e Renens, kantoni Vaud në Zvicër. Sekiraqa është bërë pjesë e legjistraturës së re për periudhën 2021-2026 .
“Jam shumë e lumtur që për herë të parë në këshillin komunal dhe e votuar nga qytetarët e Renos (Renens) jam femra e parë shqiptare që hyra si këshilltare komunale në historinë e këtij qytetit. Pres që në të ardhmën mos të jem e vetmja. I falenderoj përzemërsisht të gjithë për përkrahjen dhe vullnetin e dhënë për të vazhduar më tutje. Unë do jem e zëshme në të mirë të qytetarëve dhe komunitetit shqiptarë”, shkruan Liridona Sekiraqa në faqen e saj në Facebook.
