Një vogëlushe ka lindur me një gjendje të rrallë në tru dhe duhet të përdorë dy pajisje që të jetojë si një fëmijë normal.
Një nga pajisjet e mban në vesh pasi lindi e shurdhër. Që të mos ndihet e veçuar nga të tjerët, babai i Briar gjeti mënyrën e duhur që ta përkrahte 10-vjeçaren duke bërë dy tatuazhe për të.
“Kur ai bëri tatuazhin, unë u befasova. Ai më bëri të lumtur sepse kuptova që nuk jam më e vetme”, tha ajo për BBC.
Briar lindi me sindromën Goldenhar dhe ndikon në mënyrën e ushqyerjes dhe kuptimit të gjërave. Babai mendoi që të bënte dy tatuazhe në kokë që ishin të njëjta me pajisjet që mban vajza e tij, transmeton oranews.
“Shumë njerëz mendojnë se është ndonjë tribal i çuditshëm dhe më pyesin shpesh për të. Kështu unë i shpjegoj kuptimin e vërtetë që kanë”, tha ai.
