Një pasagjer i kompanisë ajrore Ryanair ka shokuar udhëtarët e avionit Britani-Spanjë, pasi e humbi durimin duke pritur dhe vendosi që të dilte nga dera emergjente dhe u ul për pak kohë në krahun e avionit, transmeton Gazeta Metro.
Polaku 57 vjeç u mërzit shumë pasi avioni nuk po parkohej me kohë në aeroportin e Malagas pas aterimit dhe fluturimit nga Britania. Ai u tha udhëtarëve tjerë që ‘unë po dal përmes krahëve’ dhe e hapi dritaren emergjente.
Pasi qëndroi për disa kohë i ulur në krahun e avionit me një çantë me vete, ai u bind nga stafi që të kthehej në avion, dhe më pas u arrestua nga Policia.
Raportohet që ai ishte nervozuar pasi avioni ishte vonuar një orë për t’u nisur nga Londra, e më pas u vonua edhe gjysmë ore në kërkim të zbarkimit në Malaga.
Fatmirësisht incidenti ka përfunduar pa telashe më të mëdha dhe autoritetet spanjolle po merren me rastin.
