“Bashkimi Evropian do të jetë i plotë vetëm kur t’i bashkohet dhe Ballkani Perëndimor”, tha në Strasburg, kancelari austriak Sebastian Kurz, duke shpallur prioritetet e presidencës së Vjenës në krye të Bashkimit Evropian.
Ai tha se një nga tre prioritetet e kësaj presidence do të ishin: pranimi i Ballkanit Perëndimor në BE, siguria dhe lufta kundër migracionit të paligjshëm.
“Ballkani Perëndimor jo vetëm që ka një perspektivë evropiane që e meriton, por ajo meriton dhe anëtarësimi në BE. Prandaj, ne do të bëjmë më të mirën, pasi ne e dimë se duhet mbështetur procesi i pranimit të tyre”, tha Kurz.
Sa i përket Brexit, Kurz tha se Evropa nuk duhet të lejojë që ajo të ndahet.
“Evropa është e ardhmja jonë dhe Unioni është shumë më tepër ajo që na bashkon sesa ajo që na ndan”, ka thënë ai.
