Pas video incizimeve që u shfaqën në rrjetet sociale, përmes “Facebook” reagoi ministri i Diasporës, Edmond Ademi.
“Akti i filmimit të votuesve pranë konsullatës në Melburn nga ana e disa individëve është në kundërshtim me të gjithë ligjet dhe vlerat e demokracisë”, shkroi Ademi në rrjetin social “Facebook”.
Ministria thote se institucionet e vendit janë në kontakt me autoritetet australiane dhe se rasti është paraqitur, ndërsa incizuesit janë identifikuar dhe do bartin të gjitha pasojat ligjore në pajtim me legjislacionin e Australisë.
